На 15 и 16 јуни во салата „Билјанини Извори“ во Охрид ќе се одржи Тренерската клиника 2013, на која предавања ќе одржат некои од најеминентните тренерски имиња во Европа и во светот. Меѓу нив и најтрофејниот евроски тренер, Жељко Обрадовиќ заедно со неговиот асистент Димитриос Итудис, како и потпретседателот на Младинската Комисија на ФИБА Европа и Претседател на Стручниот совет на Федерацијата на Словенија, Тоне Крумп.

Во среда (22 мај) со почеток во 16.00 часот во спортската сала на ОУ „Наум Наумовски-Борче“ во населбата Маџари во Скопје, ќе се одржи состанок на кандидатите кои остварија право на упис во Спортската Академија за учебната 2013/14.

Само два дена по мечот во СЦ „Борис Трајковски“, кој МЗТ го доби со 73-57 и поведе во серијата со 1-0, Кожув се надева дека со поддршката од домашните навивачи ќе го возврати ударот и ќе го повтори успехот од Суперлигата, кога успеа да го победи актуелниот шампион.

Неофицијалното Европско Првенство, како што е нарекуван меѓународниот турнир во Словењ Градец за кошаркари до 14 години, ќе се одигра летово од 15 до 18 август. Репрезентацијата на Македонија ќе игра со Хрватска, Унгарија, Шпанија и две репрезентации на домаќинот Словенија.

Селективните тренинзи за младинската репрезентација до 14 години (генерација 1999/00 и помали) ќе се одржат на Летниот Кошаркарски Камп во Струга организиран од Македонската Кошаркарска Федерација.