Одиграни првите четвртфинални средби од женскиот Куп

Фаворитите без проблеми

Клубски веќе го обезбеди своето место меѓу четирите најдобри по двете победи во ист ден против Трокал, а пред реваншите, блиску до пласман понатаму се и Вигор, Кроација Осигурување и Бадел

Екипите на Клубски и Трокал ги одиграа двата натпревари од четвртфиналето во Купот на Македонија во еден ден, а фаворитот од Делчево немаше проблем да слави во двете средби, по што со вкупен резултат од 136-57, очекувано обезбеди пласман во полуфиналето.

Вигор Скопје креираше предност од 67 поени по првата средба на гостувањето кај Студент и го направи реваншот на свој терен чиста формалност, со што ја продолжува одбраната на Куп трофејот освоен лани. Вардар Младинец и Кроација Осигурување одиграа интересен натпревар, по кој Кроација Осигурување обезбеди солидна предност од 17 поени пред реваншот (62-45), а добра предност оствари и Бадел, по победата на гости во Струга со 78-53.

Трите реванш натпревари, по кои официјално ќе бидат познати четирите полуфиналисти, закажани се за наредниот викенд. Полуфиналните двојки ќе бидат одредени со извлекување.

 Влезници за Евробаскет

Ул. Кузман Јосифовски Питу 17, ПФ 318
1000 Скопје, Р. Македонија
тел/факс: +3892 2464988
E-mail: contact@basketball.org.mk
Сениорски Лиги: +3892 2454320
Младински Лиги: +3892 2464990
© 2006 Сите права задржани