На 15 и 16 јуни во салата „Билјанини Извори“ во Охрид ќе се одржи Тренерската клиника 2013, на која предавања ќе одржат некои од најеминентните тренерски имиња во Европа и во светот. Меѓу нив и најтрофејниот евроски тренер, Жељко Обрадовиќ заедно со неговиот асистент Димитриос Итудис, како и потпретседателот на Младинската Комисија на ФИБА Европа и Претседател на Стручниот совет на Федерацијата на Словенија, Тоне Крумп.

Во среда (22 мај) со почеток во 16.00 часот во спортската сала на ОУ „Наум Наумовски-Борче“ во населбата Маџари во Скопје, ќе се одржи состанок на кандидатите кои остварија право на упис во Спортската Академија за учебната 2013/14.

Брилијантната игра во нападот, предводена од Кејд Дејвис кој постигна 33 поени (27 само во првото полувреме“, му донесе на МЗТ Скопје нова победа против Кожув во финалната серија, овој пат на гостински терен за водство од 2-0. Кожув одигра многу подобро во однос на првата средба, сепак и тоа не беше доволно да се совлада расположениот тим на Алеш Пипан.

Неофицијалното Европско Првенство, како што е нарекуван меѓународниот турнир во Словењ Градец за кошаркари до 14 години, ќе се одигра летово од 15 до 18 август. Репрезентацијата на Македонија ќе игра со Хрватска, Унгарија, Шпанија и две репрезентации на домаќинот Словенија.

Селективните тренинзи за младинската репрезентација до 14 години (генерација 1999/00 и помали) ќе се одржат на Летниот Кошаркарски Камп во Струга организиран од Македонската Кошаркарска Федерација.