Селекторот на женската репрезентација на Македонија до 20 години, Александар Домлевски, со 12 кошаркарки отпатува за Софија, каде денеска и утре (понеделник и вторник) ќе одигра две пријателски средби со домашниот национален тим.

17-тите Медитерански Игри почнуваат во вторник, а прв на програмата е кошаркарскиот турнир. Репрезентацијата на Македонија веќе одработи неколку тренинзи во Турција и подготвена ги дочекува трите средби во групната фаза.

Дводневната Тренерска Клиника која се одржа во салата „Билјанини Извори“ во Охрид доби највисоки оцени, а содржајните предавања и презентации на Димитриос Итудис, Жељко Обрадовиќ и Антон Крумп беа повеќе од добредојдени за тренерите кои ги поздравија со аплауз.

Во петокот почна првата смена на МКФ Летниот Камп кој се одржува во хотелот „Еуротел“ во Струга. Нешто повеќе од 150 талентирани млади кошаркари и кошаркарки од различни генерации, работат секојдневни тренинзи на пет кошаркарски терени во комплексот на хотелот, според прецизно изработена програма од некои од најдобрите тренери во нашата земја.

Единаесет-члена делегација на Специјалната Олимпијада Македонија во среда наутро ќе замине за Истанбул, каде во периодот од 19 до 23 јуни 2013 година ќе настапи на Европското кошаркарско првенство. Репрезентативците на Специјалната Олимпијада очекуваат добар резултат.