На 15 и 16 јуни во салата „Билјанини Извори“ во Охрид ќе се одржи Тренерската клиника 2013, на која предавања ќе одржат некои од најеминентните тренерски имиња во Европа и во светот. Меѓу нив и најтрофејниот евроски тренер, Жељко Обрадовиќ заедно со неговиот асистент Димитриос Итудис, како и потпретседателот на Младинската Комисија на ФИБА Европа и Претседател на Стручниот совет на Федерацијата на Словенија, Тоне Крумп.

Македонската женска кошаркарска репрезентација доцна синоќа пристигна во градчето Зрече во Словенија, каде денеска од 18.00 часот ќе го одигра првиот од двата пријателски натпревари со домашниот национален состав.

Со нова брилијантна партија во одбрана, дозволувајќи само 44 поени во сопствениот кош, МЗТ Скопје Аеродром славеше со убедливи 28 поени разлика против Кожув и поведе со 3-0 во финалната серија. Натпреварот во Гевгелија во недела би можел да му ја донесе на МЗТ Скопје втората шампионска титула во низа.

Неофицијалното Европско Првенство, како што е нарекуван меѓународниот турнир во Словењ Градец за кошаркари до 14 години, ќе се одигра летово од 15 до 18 август. Репрезентацијата на Македонија ќе игра со Хрватска, Унгарија, Шпанија и две репрезентации на домаќинот Словенија.

Селективните тренинзи за младинската репрезентација до 14 години (генерација 1999/00 и помали) ќе се одржат на Летниот Кошаркарски Камп во Струга организиран од Македонската Кошаркарска Федерација.