Најдобрите македонски кошаркари заминаа на Златибор
Подготовките завршија, на ред контролите
Македонската експедиција денеска пристигна на Златибор, каде во наредниве денови ќе одигра два контролни натпревари со селекцијата на Црна Гора.
Стручниот штаб реши на контролите со Црна Гора на Златибор да поведе 12 кошаркари, Антиќ, Стефанов, Чековски, Караџовски, Мираковски, В. Стојановски, Соколов, Д. Стојановски, Колариќ, Симоновски, Гоцевски и Самарџиски. Останатите четворица, Николовски, Димитровски, Хаџибулиќ и Марковски останаа во Скопје, каде до доаѓањето на своите колеги, по специјалната програма на тренерот за физичка подготовка Сандро Бенкардино, ќе работат под надзор на асистентот на Докузовски, Марјан Лазовски. По враќањето во Скопје, на експедицијата ќе и се приклучи и Тодор Гечевски, кој заедно со најдобриот состав заминува на турнејата во Италија и Словенија.
|
