На 15 и 16 јуни во салата „Билјанини Извори“ во Охрид ќе се одржи Тренерската клиника 2013, на која предавања ќе одржат некои од најеминентните тренерски имиња во Европа и во светот. Меѓу нив и најтрофејниот евроски тренер, Жељко Обрадовиќ заедно со неговиот асистент Димитриос Итудис, како и потпретседателот на Младинската Комисија на ФИБА Европа и Претседател на Стручниот совет на Федерацијата на Словенија, Тоне Крумп.

Селекторот Горан Јовановиќ го скрати списокот на 16 кошаркарки, кои ги продолжуваат подготовките за настап на квалификациите за женскиот Евробаскет кои ќе се одиграат во Израел. По 15-дневните тренинзи во Скопје, репрезентативките заминуваат за Словенија, каде ќе одиграат две подготвителни средби со домаќинот во сабота и недела.

Финалната серија се враќа во СЦ „Борис Трајковски“ а денешниот натпревар, закажан за почне од 19.00 часот, би можел да биде и последен на актуелниот шампион пред своите навивачи во Скопје. Тоа секако, под услов МЗТ Скопје да продолжи со одличните настапи против Кожув и во наредните две средби, кои би му донеле втора титула по ред во домашното Првенство.

Неофицијалното Европско Првенство, како што е нарекуван меѓународниот турнир во Словењ Градец за кошаркари до 14 години, ќе се одигра летово од 15 до 18 август. Репрезентацијата на Македонија ќе игра со Хрватска, Унгарија, Шпанија и две репрезентации на домаќинот Словенија.

Селективните тренинзи за младинската репрезентација до 14 години (генерација 1999/00 и помали) ќе се одржат на Летниот Кошаркарски Камп во Струга организиран од Македонската Кошаркарска Федерација.